Ҳафталик офатлар: табиат шаҳарларни вайрон қиляпди, аммо ҳамма жим

Иқлим воқеалари тобора экстремал ва олдиндан прогноз қилиб бўлмайдиган тус оляпди.

Июль ойининг бошида АҚШда кутилмаганда жуда кучли тошқин содир бўлди. Бу фожиага на ҳукумат, на аҳоли тайёр эмас эди. Энг аҳамиятли томони шундаки, бу ҳодиса офатларни олдиндан прогноз қилиш ва аҳолини огоҳлантириш тизимлари, фавқулодда чоралар кўриш учун техник имкониятлар мавжуд бўлган мамлакатда рўй берди.

шу вақтнинг ўзида бутун сайёра бўйлаб кетма-кет бир қатор фавқулодда ҳодисалар содир бўлди. Уларнинг ҳар бири аномал бўлиб, илгари камдан-кам қайд этилган. Бироқ, энди бундай воқеалар ҳаётимизнинг бир қисмига айланиб боряпди: тошқинлар, июль ойида қор ёғиши, вулқонларнинг фаоллашиши, ҳалокатли бўронлар. Бу ҳодисаларнинг барчаси ўзаро боғлиқ бўлиб, геофизик ва иқлимий беқарорлик туфайли юзага келяпди.

Аслида, агар иқлим билан боғлиқ вазиятга теран қарайдиган бўлсак, у бизга ҳеч қандай умид қолдирмаяпди. Яқин келажакда ижобий ўзгаришлар кутилмаяпди. Аксинча, вазият янада оғирлашиб боряпди.

📌 Ҳафтанинг асосий воқеалари:

– АҚШ: Техасда тўсатдан юзага келган ҳалокатли тошқин 129 кишининг ҳаётига зомин бўлди, улардан 27 нафари болалар;

– «Данас» тайфуни: 120 йил ичида биринчи маротаба Тайвань оролидаги ҳалокатли оқибатлар;

– Индонезия: Левотоби вулқонидан отилиб чиққан кул 18 км баландликка кўтарилди, эвакуация;

– Австралия: бомбали циклон ва баландлиги 12 метргача етадиган тўлқинлар;

– Туркия: июль ойида қор, рекорд даражадаги совуқ;

– Хитой: Сичуандаги кўчкилар ва селлар, вайрон бўлган инфратузилма;

– Россия: Сибирда жала ва дўл, Байкалортида кенг кўламли тошқин, Омск, Тюмень, Хабаровскдаги вайронагарчиликлар.

🧩 Бу воқеалар энди «табиий офатлар» тоифасидан ташқарига чиқишни бошлади. Биз сайёрамизнинг иқлим тизими туб ўзгаришлар рўй бераётганига ва улар геодинамик жараёнлар билан оғирлашаётганига гувоҳ бўляпмиз. Шунга қарамай, таҳдидлар яққол зўрайиб бораётган шароитда, аксарият тузилмалар ҳали ҳам қўл қовуштириб ўтирибди. Ва бу — асосий чақириқлардан бири.

Биз глобал парадокслар даврида яшаяпмиз: миллиардлаб одамлар ва улкан илмий салоҳиятга қарамай, иқлим таҳдиди олдида биз мутлақо бефарқмиз. Лекин бефарқлик билан ҳали касалланишга улгурмаган, кўриб, тушуниб, ҳаракат қилаётганлар ҳам бор экан — ноумид шайтон. Ҳозир таслим бўлиш вақти эмас. Бу муаммони биз ёлғиз ҳал қила олмаймиз. Аммо биргаликда харакат қилсак — бизда имконият бор