SECHABA SA BOQAPI

Morero oa Machaba

Bophelo ba Motho ke Boleng bo Holimo ka ho Fetisisa
#creativesociety
SECHABA SA BOQAPI ke morero oa machaba o kopanyang batho ho tsoa ho ho feta linaha tse 180 ka selulo sa boithaopi. Sepheo sa morero ke ho fetola, ka tsela ea molao le tsela ea khotso, ka nako e khutšoane ka moo ho ka khonehang, ho sebopeho se secha sa boqapi sa sechaba bophara ba lefatše, moo bophelo ba motho e tla ba boleng bo holimo ka ho fetisisa.

Sechaba sa Boqapi se Qalile Joang?

Hlahlobo e kholohali ea sechaba ea boithapo, e tsamaisitsoeng ho feta nako ea lilemo tse leshome, e hlahisitse tlhokahalo ea sebele ea sebopeho se secha sa sechaba. Likarabo ho tsoa ho limilione tsa batho linaheng tse 180 tse fapaneng li tiisitse hore ntho e kholo ka ho fetisisa sechabeng e tšoanela ho ba boleng ba bophelo ba motho.

E mong le mong ea nkang karolo ho hlahlobo ea sechaba o ne a botsoa potso e tšoanang: “U rata ho phela lefatšeng la mofuta ofe?” Ho itšetlehiloe ka likarabo, litšiea tse robeli li ile tsa boptjoa 'me tsa e ba selulo sa ho haha sechaba sa sebopeho se secha se bitsoang Sechaba sa Boqapi. E le hore se kenyoe tšebetsong, batho ho tsoa lefatšeng lohle hajoale ba ntse ba kopana le ho nka bohato ka hara morero oa lebitso le tsoanang.

Ke Mang ea Kamora Morero oa Sechaba sa Boqapi?

Limilione tsa batho ba tsoang meetlong e fapaneng, bochaba, litumelo, le bolumeli, ba batlang ho fetolla lefatše la rona ha molemo 'me ba tseba ho etsa sena ka semolao le khotso. Letsatsi le leng le le leng, palo ea batho ba joalo e ntse e hola.

Batho ba tsoang lefatšeng lohle, ba itlhophang 'me ba nka bohato ka tiieo ka moralo oa molao, ba kopantsoe ke sepheo se le seng: ho bopa maemo a loketseng sebakeng sa bophelo bo khotso le nala sebakeng sa botho bohle le meleko ea kamoso.

Ke Mang ea fanang ka lichelete ho morero oa Sechaba sa Boqapi?

Likhato tsohle le liketso ka hara moralo oa morero oa Sechaba sa Boqapi li etsoa feela ke barapeluoa ba morero bo bona, ka khakolo ea bona, ka khetho ea bona le thato, le tjeho ea lichelete tsa bona.

Morero oa Sechaba sa Boqapi ha o na li-account tsa banka, lichelete kapa thepa, ha o bokelle lichelete, 'me ha o etse phaello.

Sechaba sa Boqapi ke morero oo ohle o itšetlehileng ka boithapi o sebetsang ka hara moralo oa molao. O emela feela lithahasello tsa batho bo bona ho feta linaha tse itseng, mekha, kapa mekhatlo.

Hobaneng ha re hloka Sechaba sa Boqapi Bophara ba lefatše?

Sebopeho sa Sechaba sa Boqapi sea hlokahala bophara ba lefatše hobane ke mohlala feela o:
 

Fanang ka litharollo ho likoluoa tsohle tsa lefatše, ho kenyeletsa le koluoa ea boemo ba leholimo:
Netefatsa bokamoso bo senang lintoa, likhohlano, pefo, bofuma, kapa tlala;
Lumella botho ka potlako le khotso ho tsoellapele ho sethala se secha sa tsoelopele ea boiphetholo;
Tiisetsa polokeho ea e mong le e mong, bophelo bo botle, boiketlo, le tsoelopele e potapotileng kahohle.

Na hoa khoneha ho haha Sechaba sa Boqapi Naheng e le 'ngoe kapa Selekaneng sa Linaha tsa 'Maloa?

Kajeno, linaha tsa lefatse li kopane le ho itsetleha ka mokhoa o kopaneng. Ka hona, ho leka ho theha sebopeho sa boqapi sa sechaba naheng e le 'ngoe kapa selekaneng sa linaha ha ho na ho sebetsa.

Ho haha Sechaba sa Boqapi ho khoneha feela ha botho bohle bo nka karolo bophara ba lefatše ka nako e tšoanang. Pele ho qeto e tiisang e kenyoa tšebetsong ho khetho ea lefatše, linaha bomong li ka phatlalatsa maikemisetso a tsona ho fetohela ho Sechaba sa Boqapi. Haeba linaha bomong kapa sehlopha sa linaha li leka ho fetohela ho Sechaba sa Boqapi ka botsona, tšireletseho hammoho le boiketlo ba sechaba sa tsona li ka tenyetseha. Li tla ba tlokotsing 'me li sa tšireletsoa khahlanong le linaha tse so ka li amohela Sechaba sa Boqapi.

Litšiea tse 8 tsa Sechaba sa Boqapi

Litšiea tse 8 tsa Sechaba sa Boqapi ke seo batho ho tsoa le fatše lohle ba se lakatsang. Ke motheo oa boleng ba Sechaba sa Boqapi o ka bang selulo sa molao oa machaba le molao linaheng tsohle ka poleloana ea molao ea thato ea batho khethong ea lefatše.
1.Bophelo ba Motho

Bophelo ba Motho ke boleng bo holimo ka ho fetisisa. Bophelo ba Motho ofe kapa ofe bo tlameha ho tšireletsoa e le ba hae. Phello ea Sechaba ke ho netefatsa le ho tiisa boleng ba bophelo ba Motho e mong le e mong. Ha ho ebile ho ke se be le eng kapa eng efe e boleng ho feta bophelo ba Motho. Haeba Motho a le mong a le boleng, joale Batho bohle ba boleng.

2.Tokoloho ea Motho

Motho e mong le e mong o tsoetsoe le tokelo ea ho ba sebopuoa se Motho. Batho bohle ba tsoetsoe ba lokolohile ba bile ba lekana. E mong le e mong o na le tokelo ea ho khetha. Ho ka se be le ea leha e le letho Lefatšeng ka holimo ho Motho, tokoloho le litokelo tsa hae. Tšebetso ea litokelo le litokoloho tsa motho ha li se ke tsa hatakela litokelo le litokoloho tsa ba bang.

3.Polokeho ea Motho

Ha ho ea ebile ha ho letho sechabeng se nang le tokelo ea ho theha litšokelo bophelong le tokoloho ea Motho!

Motho e mong le e mong o tiiselitsoe paballo ea litlhoko tsa mantlha tsa bophelo, ho kenyeletsoa lijo, bolulo, tlhokomelo ea meriana, thuto le tšireletso e felletseng sechabeng.

Mesebetsi ea mahlale, ea tlhahiso le ea thekenoloji ea sechaba e lokela ho rereloa feela ho ntlafatsa boleng ba bophelo ba motho.

Ho tiisitsoe botsitso ba moruo: ha ho hohloa ha moruo le likoluoa, litheko tse tsitsitseng le tse tšoanang lefatšeng, chelete e le 'ngoe, le lekhetho le tlase le sa fetoheng kapa ho se lekhetho.

Tšireletso ea Motho le sechaba ho tsoa litšokelong tsa mofuta ofe kapa ofe e tiisoa ka tšebeletso e kopaneng ea lefatše e sebetsanang le maemo a tšohanyetso.

4.Ponaletso le puleho ea tsebiso bakeng sa bohle

Motho e mong le e mong o na le tokelo ea ho fumana tsebiso e tšepahalang mabapi le tsamaiso le kabo ea lichelete tsa sechaba. Motho e mong le e mong o na le monyetla oa tsebiso mabapi le boemo ba tšebetso ea liqeto tsa sechaba.

Mecha ea phatlalatso ke ea sechaba feela 'me e bonahatsa tsebiso ka 'nete, pepeneneng le ka botšepehi.

5.Boikutlo ba boqapi

Maikutlo a lokela ho rereloa ho tsebahatsa litšoaneleho tse molemohali tsa motho le ho emisa ntho e 'ngoe le e 'ngoe e lebisitsoeng khahlanong le Motho. Ea mantlha ea pele ke ea pele ea botho, litakatso tse phahameng tsa moea le tsa boitšoaro tsa Motho, botho, bokhabane, ho hlomphana le ho matlafatsa setsoalle.

Ho theha maemo a ntlafatso le thuto ea Motho ea nang le tlhaku e kholo “M”, ho hlaolela litekanyetso tsa boitšoaro ho motho ka mong le sechabeng.

Thibelo ea liphatlalatso tsa pefo, ho nyatsa le nyatso ea mofuta ofe kapa ofe oa karohano, mabifi, le lipontšo tse khahlanong le botho.

6.Tsoelopele ea Botho

Motho e mong le e mong Sechabeng sa Boqapi o na le tokelo ea kakaretso ea tsoelopele le phethahatso ea botho.

Thuto e lokela ho ba mahala le ho fumaneha ka ho lekana ho bohle. Ho theha maemo le ho atolosa menyetla ea hore Motho a sebelise bokhoni ba hae ba boqapi le litalenta.

7.Toka le tekano

Lisebelisoa tsohle tsa tlholeho ke tsa Batho 'me li ajoa ka toka hara batho bohle. Boipokello ba lisebelisoa le tšebeliso ea tsona e sa utloahaleng e thibetsoe. Lisebelisoa tsena li ajoa ka toka hara baahi ba Lefatše lohle.

Motho o na le mosebetsi o tiisitsoeng haeba a rata. Tefo bakeng sa boemo bo tšoanang, bo khethehileng, kapa mosebetsi e lokela ho tšoana lefatšeng ka bophara.

Motho e mong le e mong o na le tokelo ea thepa le mokholo oa bonnotši, leha ho le joalo, ho ea ka meeli ea chelete ea motho ka mong e behiloeng ke sechaba.

8.Sechaba se ipusang

Khopolo ea “matla” ho Sechaba sa Boqapi ha e eo, kaha boikarabello ke ba sechaba ka kakaretso, tsoelo-pele ea sona, maemo a bophelo le sebopeho se lumellanang,e itšetlehile ka Motho ka mong.

Motho e mong le e mong o na le tokelo ea ho ba le seabo tsamaisong ea merero ea Sechaba sa Boqapi le ho amoheloeng ha melao e lebisitsoeng ho ntlafatsa bophelo ba Motho.

Tharollo ea litaba tse bohlokoa sechabeng, tse kholo sechabeng, le litaba tsa moruo tse amang boleng ba bophelo ba Motho li romelloa lipuisanong tsa sechaba le ho khetha (referendum).

Hlokomelo ho Litšiea tse 8
Ka ho Sechaba sa Boqapi, ka lebaka la tlhahiso ea mohlala o mocha oa moruo le mahale a macha, ha ho no ba le tlhokahalo ea ho sebelisa chelete. Ka hona, litokisetso tse itseng tsa Litšiea tse 8 tsa Sechaba sa Boqapi, tse tsoang ho boteng ba likamano tsa lichelete, li tla ba bohlokoa feela nakong ea phetoho ho Sechaba sa Boqapi.

Sechaba sa Boqapi se Lokisetsa Motho E mong le e mong Eng Lefatšeng?

Sebopeho sa boqapi sa sechaba se bula litebello tse kholohali le menyetla ho motho ka mong.
Ho netefatsa ho kena tšebetsong ka ho feletseng ha Sechaba sa Boqapi, hoa hlokahala ho hlahisa mohlala o mocha oa moruo le mahlale a macha, hammoho le ho hlopha bocha litsamaiso tse ngata sechabeng. Ka hona, nako ea phetoho ho Sechaba sa Boqapi ea hlokahala, e ka nkang lilemo tse 5 ho tse 6 ho latela likhakanyo. E se le nakong ea phethoho ho Sechaba sa Boqapi, motho e mong le e mong ka tokelo ea tlhaho o tla fumana melemo e latelang:
Chelete ea bokahohle ea matlha ea khoeli e lekanang le USD 10,000 bakeng sa motho e mong le e mong ea moholo;
Tefo ea ha 'ngoe e lekanang le USD 100,000 ho tlhaho ea ngoana oa pele, USD 200,000 ho tlhaho ea ngoana oa bobeli, joalo joalo. Tefo ea khoeli e lekanang le USD 5,000 bakeng sa ngoana e mong le e mong ho fihlela lilemo tse 6 e kenyeletsang le USD 7,000 bakeng sa ngoana ho tloha lilemo tse 7 ho isa lilemo tsa boholo;
Bolulo ba boinnotši bo sephara le bo mabothobotho ba bonyane sebaka sa 650 square feet (60 square meters) motho ka mong;
Tlhokomelo ea bophelo e boleng bo holimo bophara ba lefatše, mahala;
Thuto ea boleng bo holimo hohle lefatšeng, mahala;
Matsatsi a tšebetso a lihora tse 'ne, matsatsi a tšebetso a mane ka beke, ka mekholo e lekanang e holimo bakeng sa maemo a tšoanang, litsebo tse ikhethang, le mesebetsi. Matsatsi a phomolo a lefuoang a seng ka tlase ho 30 a matsatsi a alemanaka bonyane habeli ka selemo
Lefatše le bolokehileng le senang lintoa, likhohlano, botlokotsebe, le bobolu;
Botsitso bo tiisitsoeng ba moruo: ha ho ho phahama ha litheko, ha ho ho putlama kapa likoluoa; litheko tse tsitsitseng bophara ba lefatše;
Ha ho makhetho motho ka mong, likhoebo tse nyane le tse mahareng;
Tšebeliso e senang moeli ea lisebelisoa (khase, motlakase, metsi, ho futhumatsa, j.j.) motho ka mong, mahala
Ho hlakoloa hoa mekoloto le likalimo, ho kenyeletsoa le mekoloto ea matlo;
Maeeto a sa hlokeng Visa le motsamao o sa lekanyetsoang bophara ba lefatše;
Tsooelopele ea mahlale a hatetseng pele a ntlafatsang bophelo ba motho, a fumanehang ho e mong le e mong ho karolo efe ea lefatše.

Melemo ee e Tla Lokisoa Joang ho Sechaba sa Boqapi ho Motho E mong le E mong Lefatšeng?

Sechabeng sa Boqapi, ho tla netefatsoa boemo bo holimo ho motho e mong le e mong lefatšeng ka o feletseng moruo oa moetso o mocha o se nang litšobotsi nalaneng ea batho. Moetso ona o so ntšelitsoe pele le ho sisinyoa ke litsebi ho pota lefatše, 'me o tla fetola maphelo a rona ho tloha ka letsatsi la pele la ho kenya tšebetsong
Le ka itloaetsa moetso ona ka boha hlahiso ea setšoantšo se qaqisitsoeng se hlahisitsoeng phatlalatsa Sebokeng sa Machaba “Koluoa ea Lefatše. Ho na le Tsela ea ho Tsoa”

Ha ho nahanoa hore Sechabeng sa Boqapi melemo e mengata e lokisetsoa motho ka tokelo ea tsoalo, ke eng se hlokoang motho ka mong?

Sechabeng sa Boqapi, motho o fumana melemo e 'maloa le lithuso. Sena se hlokisa ho nka karolo ho mafolofolo motho ka mong liketsong tsa sechaba ka mosebetsi oa bona, tlatsetso ea bohlale, le litalenta. Sechabeng sa Boqapi, batho ka bo mong ba intlafatsa 'me ba tlise molemo ho sechaba sohle e le karolo ea sona e bohlokoa.
Ho nka karolo ho mafolofolo le boikarebello ha motho ka mong ho tsamaisa litaba tsa sechaba le ho kenya melao le liqeto litabeng tsa bohlokoa tsa sehlooho tsa bophelo ba sechaba ho hlokahala kamehla. Sena ke hobane Sechaba sa Boqapi sebopeho feela sa sechaba moo bolaoli ha bo fuoe mang empa bo kenyoa tsebetsong ke batho bo bona, ka motho ka mong bophara ba lefatse ka boipuso bo feletseng: ho etsa qeto e kopanetsoeng Sethaleng sa Likhetho bophara ba lefatse.
Kahoo, Sechabeng sa Boqapi, ha hona ho ba le mohopolo oa "matla holima batho" kaha matla ka ho etsahatsa e tla a ba a e mong le e mong. Batho bo bona ba rarolla ka kopanelo bobeli litaba tsa lefatse le tsa lehae.

Ke hobaneng ha sebopeho sa Sechaba sa Boqapi se ke ke sa bapisoa le mehlala e meng

e ileng ea kenyoa tsebetsong ka la ho feta, esita le eo e ileng ea ntsetsetsoapele ka mohopolo, empa e sa ka ea kenyoa tsebetsong? Hobane mehlaleng e meng eohle ea tsamaiso ea sechaba matla a ba fokolang holima ba bangata e sa le a bolokiloe e ba ka sebopeho sa sephiri kapa pepenene. Athe haele Sechabeng sa Boqapi, ha ho ea tla khona ho hapa matla kapa a nke ho batho hobane tsebetso ea matla e tla ajoa ka ho lekana ho batho bohle ka boipuso.

Bakeng sa qaqiso e ngatanyana hore na boipuso bo tla sebetsa joang Sechabeng sa Boqapi, shebella setsoantso se ileng sa hlahisoa Sebokeng sa Machaba “Koluoa ea Lefatse. Ho na le Tsela ea ho Tsoa”:

Sechaba sa Boqapi se ka Hauoa Joang ho Pota Lefatse Lilemong tse Tlang?

Hona le mekhahlelo e 'meli e tiileng ea moralo ho haha Sechaba sa Boqapi. Bobeli ba mekhahlelo ea ho haha Sechaba sa Boqapi e etsoa ka litloaelo tsa machaba le molao oa naha.
1
Mokhahlelo oa Tsebiso
Ka ho sebelisa litokelo tsa bona le litokoloho, batho ba tsebisa ba bang ka Sechaba sa Boqapi. Ka tsela ena, tlhoko ea molae le khotso ea sechaba e bopeloa ho haha Sechaba sa Boqapi holima lefatse lohle. Ka pele batho ba bangata ba bopang tlhoko ena, ka pele ho tla khoneha ho fetela ho mokhahlelo o mong oa ho haha Sechaba sa Boqapi.
2
Mokhahlelo oa ho Lokisa le ho Kenya Khetho ea Lefatse
Hang ha bongata ba batho linaheng tsohle tsa lefatse li tsehetsa Sechaba sa Boqapi, khetho ea lefatse e tla lokisoa 'me tsoaroe ho kenya tsebetsong mohlala oa boqapi oa tsoelopele e le feela o amohelehang le ho hlokeha pholohong ea moloko oa batho.
Ho lokisetsa khetho ea lefatse, moralo o hlokahalang oa molao le botsebi bakeng sa tokiso ea eona e tla ntsetsoapele le ho kenya tsebetsong.

Potso e latelang e tla fanoa bakeng sa ho khetha khetho ea lefatse:

hore na batho ba tsehetsa phethoho ea moloko ohle oa batho ho sebopeho sa boreki sa sechaba ho sa boqapi, le kopano ea moloko ohle oa batho ho ba tsoelopele e le 'ngoe — Sechaba sa Boqapi?

Qeto e ntle e tla supa:

ho kenyoa tsebetsong Litsiea tse 8 tsa Sechaba sa Boqapi e le motheo oa litokisetso tsa Molaotheo oa lefatse;

ho lumella Sethala sa Likhetho se le seng e le motheo oa puso Lefatseng;

ho khetha letsatsi la qaleho ea nako ea phethoho ho Sechaba sa Boqapi.

Hang ha qeto e ntle e kenyoa tsebetsong khethong ea lefatse, batho ba tla qala ho kenya tsebetsong matla a bona ka kotloloho, athe ha e le boralipolotiki e tla ba ba kenyang tsebetsong thato ea batho. Sena sa bolela hore ho kenya tsebetsong melao, boemeli, taolo, le ho theola bohle ba kenyang tsebetsong, ha 'moho le liqeto tsohle tsa bohlokoa tsa sechaba, li tla etsoa ka kotloloho ke batho bo bona ka ho khetha Sethaleng sa Likhetho se le seng sa lefatse. Sethala sena ke selulo sa molao, ho bolelang, mohloli feela oa melao e tlamang eo ka eona moloko oa batho o tla phela.

U ka Etsa Eng ho Qala ho Phela Sechabeng sa Boqapi kapele ka moo ho Khonehang?

Kopana le limilione tsa batho ho pota lefatse ba se ntse ba nka khato le ho tsebisa tilokoho ea hau, metsoalle le basele ka tsela ea molao ka sebopeho sa Sechaba sa Boqapi. Liketso tsena lia hlokahala ho bopa tlhoko ea sechaba ea bophara ba lefatse bakeng sa ho haha Sechaba sa Boqapi. Kapele batho ba bangata lefatseng ba elelloang hore maemo a tsoanelang a ho phela a khoneha ho motho e mong le e mong, kapele khetho ea lefatse e tla ba teng.

Haeba khethong ea lefatše bongata ba batho bo khetha ho fetola sebopeho sa sechaba ho tloha ho boreki ho boqapi, hoo e ka bang likhoeli tse 6 nako ea phethoho ho Sechaba sa Boqapi ho tla qala, tseo, ho ea ka lipalo tsa selelekela, ho ka nka lilemo tse 5 ho tse 6. Ho re e phetheloe, re tla kena nakong e ncha ea Sechaba sa Boqapi.

Ke ha bohlokoa ho elelloa hore melemo e mengata le litokelo li tla fumaneha ho batho e sa le ho tloha ka letsatsi la pele la nako ea phethoho: e mong le e mong o tla fumana bophelo bo bolokehileng, bo nala, le bo tsitsitseng ka tokoloho.

U Ka Nka Karolo Joang?
Morerong oa Sechaba sa Boqapi?

Haeba u aba tsebiso ka Sechaba sa Boqapi, esita le ha bobebe ho bua hore morero o teng, u so ntso u nka karolo ho sona. Haeba u tšehetsa morero, u ka sebelisa mekhoa e mengata ea ho tsebisa ka Sechaba sa Boqapi, joalo ka ha ho hlahisitsoe mona:

Meralo ka letšoao la Sechaba sa Boqapi:

Sheba

U Batla ho Tsebisa E mong le E mong ka Sechaba sa Boqapi ka Potlako le ka Bokhabane, e le hore se tle Kapele?

Kopana le Setsi sa Khokahano se teng sebakeng sa hau, kapa, e ba li so be teng, u qala se seng ka bolona. Sena se tla netefatsa ho tsebisa haholoanyane ka bokhabane 'me se tla lebisa ho khaho e potlakileng ea Sechaba sa Boqapi.
Setsi sa Khokahano se bolela batho ba nkang boikarabelo ba ho tsebisa baahi ba ntlo ea hau, seterata, boahelani, kapa motsemoholo ka Sechaba sa Boqapi 'me ba nka bohato ka selulo sa boithaopi, ho latela melao ea sebaka.
Haeba u lakatsa ho kopana le Setsi sa Khokahano se teng kapa hore tsebisa ka ho bula Setsi sa Khokahano, ka kopo re teele mohala mona [email protected]

Karolo ea Boralipolotiki
Khahong ea Sechaba sa Boqapi

Boralipolotiki, ho kenyeletsa le litho tsa mekha ea lipolotiki, le baetellapele ba linaha, ba na le menyetla e meholo ho tsebisa ka Sechaba sa Boqapi ka lebaka la mesebetsi, maemo, ho phatlalatsoa le botumo. Ho kenya letsoho ha boralipolotiki ho tsebisa ka Sechaba sa Boqapi ho tla potlakisa haholo tšebetso ea ho haha Sechaba sa Boqapi.

Ba nkang karolo ho morero oa Sechaba sa Boqapi ba ka sebelisa mekhoa e fe ea molao ho tšehetsa boralipolotiki bao ba sehlahlo ho tsebisa ka Sechaba sa Boqapi.

Ho tlameha ho eloa hloko hore boralipolotiki ba tšehetsang Sechaba sa Boqapi 'me ba nka bohato e le baithaopi ba morero, le haeba bana le matla, tšehetso ea bongata le bokhoni ba 'nete ba ho fetola molao, ho kenyeletsa le molaotheo tsa naha ea bo bona, litlamehile haholoholo ho sireletsa botšepehi ba sebaka, borena le lithahasello tsa naha ea bo bona, lithahasello tsa batho ba bo eona, hammoho le tsa mokha oa bona haeba ba khethoa e le baemeli ba sona.

Ho feta moo, boralipolotiki naheng ea bona le lebala la machaba ke feela ba ka sebelisang mekhoa ea molao ho tsebisa ka Sechaba sa Boqapi le ho kenya letsoho khaho ea sona e potlakileng. Ho itšetlehiloe ka bokhoni ba naha ea bo bona, ba ka kenyeletsa litšiea tse itseng tsa Sechaba sa Boqapi ho Molaotheo oa naha ka feela ka tsela ea molao le tšehetso ea batho, empa feela sena se sa hlahise batho kotsi, litokelo tsa bona le litokoloho; e sa behe kotsing kapa ho thefula naha ka moruo, lipolotiki, sechaba, moetlo kapa ka tsela e 'ngoe e itseng; e sa timetse tsamaiso ea naha kapa ho baka tahleho ea borena ba naha, boipuso le botšepehi ba sebaka; ho sa etse hore naha e khoehle ho tlholisano 'me e sa e lebise ho litlamorao tse ling tse mpe.

Likeletso tsena ke ka lebaka la taba ea hore naha e joalo e tla tsoelepele ho sebelisana le linaha tse ling tse setseng sebopehong sa boreki se itšetlehileng ho se tšepahale, se mabifi le maano a ntoa. Kahoo, pele ho sebopeho sa boqapi sa sechaba se amohetsoe khethong ea lefatše, naha ena e ke ke ea netefatsa ho kenya tšebetsong esita le tšiea ea mantlha ea Sechaba sa Boqapi — boleng ba bophelo ba motho. Ha ho tsebisoa liphethoho life, boralipolotiki ba tlameha haholoholo ho tsotella boiketlo ba naha ea bo bona le baahi ba eona.

Kamora moo, batho ba tšehetsang Sechaba sa Boqapi ba tlameha ho mamela melao ea joale ea naha ea bona 'me ba se hloke hore boralipolotiki ba tsebise melemo ea Sechaba sa Boqapi naheng e khethehileng ea bona haeba sena se ka ba le litlamorao tse mpe bakeng sa batho le naha kahofela. Ho kenya tšebetsong ka ho feletseng litšiea tsohle le melemo ea Sechaba sa Boqapi ho khonahala feela kamora qeto ea ho haha Sechaba sa Boqapi e amohetsoe khethong ea lefatše.

Ke Melemo e Meng Efe, Melemo, le Menyetla eo E Mong le E Mong ka Mong a tla e Fumana ho Sechaba sa Boqapi?

U ka fumana lintlha tsohle ka Sechaba sa Boqapi ho tsoa ho Liboka tsa Machaba tsa Marangrang tse se li tolokiloe ka lipuo tse 150 tsa lefatše:
Koluoa ea Lefatše. Ho Pholoha ha Rona ho Bonngoeng | Seboka sa Machaba sa Marangrang 12.11.2022
Koluoa ea Lefatše. Hona le Tsela ea ho Tsoa | Seboka sa Machaba sa Marangrang 22.04.2023