Камчаткадаги жуда кучли зилзила. АЛЛАТРА огоҳлантирган

Доктор Эгон Чолакян ўзининг янги мурожаатида 2025 йилнинг 30 июль куни Камчатка соҳиллари яқинида қайд этилган 8,8 магнитудали сейсмик ҳодиса бўйича эксперт таҳлилини тақдим этади. Тадқиқотнинг марказий тезиси: ушбу зилзила оддий тектоник разрядланиш акти сифатида эмас, балки Сибирь мантия плюмининг фаоллашиши натижасида юзага келган геодинамик фаолликнинг янги босқичига кириш кўрсаткичи сифатида талқин қилиниши керак. Олим Камчатка зилзиласини Евроосиё литосфера плитасига плюм томонидан кўрсатилаётган улкан тектоник босимнинг чегаравий эффекти сифатида тавсифлаб, геофизик механизмларни батафсил асослаб беради.

Шунингдек, Доктор Чолакян жорий йилнинг июнь ойида, ҳамкасби жаноб Данилов томонидан Япония архипелагининг шимолида август бошларида кучли зилзила эҳтимоли ҳақида қилган прогнози ҳам тасдиқланганини маълум қилади. Ушбу прогнознинг Камчатка ҳодисаси шаклида рўёбга чиқиши, жаноб Данилов томонидан ишлаб чиқилган илмий усул қийматининг эмпирик тасдиғи бўлиб хизмат қилади.

Видеода шунингдек, Эгон Чолакяннинг аввалги мурожаатларидан лавҳалар ва «АЛЛАТРА» ҳаракатининг ҳисоботларидан иқтибослар ҳам келтирилган бўлиб, улар Камчаткадаги зилзила, ҳаракатнинг ҳисоботларидаги ва олимнинг аввалги баёнотларидаги иқлимий-геодинамик моделга мутлақо мувофиқ содир бўлганини намоён этади.

Доктор Чолакян шунингдек, Россия Фанлар академиясининг айрим вакиллари тутган позицияси билан ҳам илмий мунозарага киришади. У Камчатка зилзиласига оид берилган расмий талқинларни танқид қилади. Чунки расмий талқинлар асосан «тўпланган зўриқиш» ва «қуёш фаоллиги» концепцияларига таяниб, мантия плюмининг, ҳамда бошқа чуқур геодинамик омилларнинг ролини инобатга олмайди. Унинг сўзларига кўра, эскирган назарий асосларга риоя қилиш ва

тўлиқ маълумотларнинг йўқлиги, хавфларни объектив баҳолашга ва самарали жавоб чораларини ишлаб чиқишга тўсқинлик қилаётган тизимли муаммони келтириб чиқаряпди. Олимнинг таъкидлашича, АЛЛАТРА ҳаракати ўзининг фанлараро моделига асосланиб, минтақада геодинамик таҳдид ортиб бориши ҳақида олдиндан огоҳлантирган ва айнан мана шу огоҳлантиришларни тарқатгани учун, ҳаракат Россия ҳудудида босимларга ва таъқибларга дуч келди.

Эгон Чолакян ўз мурожаатини геодинамик хавфларни баҳолашга оид ёндашувларни тубдан қайта кўриб чиқишга жаҳон ҳамжамиятини чақириш билан якунлайди. Унинг сўзларига кўра, инсоният фундаментал танлов олдида турибди: сейсмик фаолликка оид тўлиқ бўлмаган ва нотўғри талқин қилинаётган қарашларга таянишни давом эттириш, ёки сайёрада кечаётган ҳақиқий жараёнлар ҳақидаги мураккаб, бироқ зарур ҳақиқатни қабул қилиш. Бу хавфсизлик иллюзияси билан онгли масъулият, беҳаракатлик билан омон қолиш йўлларини фаол излаш ўртасидаги танлов.