Бу маълумот сизнинг ҳаётингизни сақлаб қолиши мумкин.

Зилзила вақтида ўзини қандай тутиш керак?

Бинонинг тебранаётганини сезга- нингизда, люстра чайқалаётганини кўрганингизда, шовқинни ёки синаётган шишанинг овозини эшитганингизда ваҳимага тушманг.

Биринчи тебранишлардан бошлаб бинони вайрон қилиши мумкин бўлган хавфли силкинишларгача сизда 15-20 секунд бор. Агар сиз биринчи ёки иккинчи қаватда бўлсангиз, ўзингиз билан эҳтиёт жомадонини олиб, тезда бинони тарк этинг. Уни олдиндан тайёрлаб қўйиш керак. Уни қандай йиғишни мана бу видеода кўришингиз мумкин.

Ташқарига чиққанингиздан сўнг, бинолар, устунлар ёки дарахтлар ёнида турманг, албатта очиқ жойга ўтинг.

Агар сиз бинони тезда тарк эта олмасангиз ёки сиз учинчи қаватдан юқорида бўлсангиз, унда ўз уйингизда қолинг. Биринчи қилишингиз керак бўлган нарса - бу тиқилиб қолмаслиги учун чиқиш эшигини очиш. Эмаклаб ҳаракатланинг, чунки зилзила вақтида мувозанатни сақлаб қолиш қийин. Бир қўлингиз билан бўйнингизни ва бошингизни эхтиёт қилинг.

Ички таянч деворнинг бурчагида хавфсиз жойни топинг. Иложи бўлса, стол остига яширинг — у сизни тепадан тушаётган нарсалардан ҳимоя қилади. Деразалар, кўчага қараган деворлар ва оғир мебеллардан узоқроқ туринг. Агар ёнингизда фарзандларингиз бўлса, уларни ўзингиз билан ёпинг.

Телевизорни сақлаб қолишга ҳаракат қилманг — яхшиси ўзингиз ҳақингизда ўйланг.

Биринчи силкинишлар тугаши билан, тезда бинони тарк этинг. Бинони тарк этаётганингизда мутлақо лифтдан фойдаланманг, пастга зинадан тушинг.

Кучли афтершокларга тайёр бўлинг, чунки зилзиладан кейинги дастлабки 2-3 соат энг хавфли ҳисобланади. Агар жудаям зарур бўлмаса, биноларга кирманг.

Агар сиз машинада бўлсангиз, очиқ жойда, бинолардан, кўприклардан ва эстакадалардан узоқроқда туринг. Силкинишлар тўхтамагунча машинани тарк этманг.

Хавфли жойни тарк этганингиздан сўнг, жароҳат олганларга ёрдам беринг.

Статистик маълумотларга кўра, сўнгги пайтларда зилзилаларнинг сони ва магнитудаси, ҳамда қурбонлар сони ортиб боряпди.

Ушбу видео тавсия характерига эга. Ўз юртингизда зилзила вақтида қандай ўзини тутиш қоидаларини ўрганиб чиқинг. Агар сиз вайроналар остида қолсангиз нима қилиш кераклиги ҳақидаги тавсиялар билан ҳам танишиб чиқинг.

Эсингизда бўлсин: сизнинг ҳақиқий бойлигингиз бу сизнинг ҳаётингиз.

Ушбу маълумотни сизга қадрли бўлган барча одамларга жўнатинг.