ИҖАДИ ҖӘМГЫЯТЬНЕҢ 8 НИГЕЗЕ

Кеше гомере — иң зур байлык. Һәр кешенең гомерен үзеңнеке кебек сакларга кирәк. Җәмгыятьнең максаты — һәр кешенең гомерен тәэмин итү һәм гарантияләү. Кеше гомереннән дә кыйммәтлерәк нәрсә юк һәм була да алмый. Әгәр дә бер кеше кадерле икән, димәк, барлык кешеләр дә кадерле!

Һәр кешегә тумыштан Кеше булу хокукы бирелә. Барлык кешеләр дә ирекле һәм тигез булып туа. Һәркем сайлау хокукына ия. Җирдә беркем дә, бернәрсә дә кешенең ирегеннән һәм хокукларыннан өстен була алмый. Кеше хокукларын һәм иреген гамәлгә ашыру башка кешеләрнең хокукларын һәм иреген бозмаска тиеш.

Җәмгыятьтә беркемнең дә, бернәрсәнең дә кеше гомере һәм ирегенә карата куркыныч тудырырга хакы юк!

Һәрбер кешегә төп тормыш ихтыяҗларын, ягъни азык-төлек, торак, медицина ярдәме, мәгариф һәм тулы социаль яклау бушлай тәэмин итү гарантияләнә.

Җәмгыятьнең фәнни, җитештерү һәм технологик эшчәнлеге бары тик кешенең тормыш сыйфатын яхшыртуга гына юнәлдерелергә тиеш.

Гарантияләнгән икътисади тотрыклылык: инфляция һәм кризис булмау, бөтен дөнья буенча тотрыклы һәм тигез бәяләр, бердәм акча берәмлеге, гарантияләнгән минималь салым яки аның бөтенләй булмавы.

Кеше һәм җәмгыятьнең куркынычсызлыгы бердәм бөтендөнья гадәттән тыш хәлләр хезмәте тарафыннан тәэмин ителә.

Һәр кеше җәмәгать акчаларының хәрәкәте һәм бүленеше турында дөрес мәгълүмат алырга хокуклы. Һәр кешегә җәмгыять карарларының үтәлүе турында мәгълүмат ачык.

Массакүләм мәгълүмат чаралары — фәкать җәмгыятьнеке һәм мәгълүматны дөрес, ачык һәм гадел чагылдыра.

Идеология кешенең иң яхшы сыйфатларын популярлаштырырга һәм кешегә каршы булган бар нәрсәне булдырмаска тиеш. Төп өстенлек булып кешелеклелек, кешенең югары рухи-әхлакый омтылышлары, намуслылык, үзара хөрмәт һәм дуслыкны ныгыту тора.

Кешене тәрбияләү һәм үстерү өчен шартлар тудыру, һәр кешедә һәм җәмгыятьтә әхлакый кыйммәтләр тәрбияләү.

Көч куллануны тыю, аеруның теләсә кайсы формасын, агрессияләрне, кешелеккә каршы күренешләрне инкарь итү һәм гаепләү.

Иҗади җәмгыятьтә һәр кеше төрле яклап үсеш алырга һәм үз шәхесен расларга хокуклы.

Белем алу һәркем өчен бушлай, кешедә үзенең иҗади сәләтләрен тормышка ашыру өчен шартлар тудырылган, мөмкинлекләре киңәйтелгән булырга тиеш.

Барлык табигый ресурслар — кешенеке, һәм алар барлык кешеләр арасында гадел бүленә. Ресурсларны монополизацияләү һәм аларны урынсыз куллану рөхсәт ителми. Бу ресурслар Җирдә яшәүчеләр арасында гадел бүленә.

Теләге булган кешене эшкә урнаштыру гарантияләнә. Кешеләр башкарган бер үк вазыйфалар өчен хезмәт хакы бөтен дөнья буенча бертигез булырга тиеш.

Һәркем җәмгыять тарафыннан билгеләнгән затны капитализацияләү күләме чикләрендә шәхси милеккә һәм керемнәргә хокуклы.

Иҗади җәмгыятьтә «хакимият» төшенчәсе юк, чөнки тулаем алганда җәмгыять өчен җаваплылык, аның үсеше, яшәү шартлары һәм гармонияле төзелеш һәр кеше өстендә ята.

Һәр кеше иҗади җәмгыять эшләре белән идарә итүдә һәм кеше тормышын яхшыртуга карата карарлар кабул итүдә катнашырга хокуклы.

Кешенең тормыш сыйфатын үзгәртүгә йогынты ясый торган иҗтимагый әһәмиятле, социаль, икътисадый мәсьәләләрне хәл итү бөтенхалык фикер алышуына һәм тавыш бирүгә (референдумга) чыгарыла.