Европа сув остида, Исроил ёняпди. Камчатка кулга ботди | Иқлим хаосини ким тўхтатади?

Ушбу видеода 23-29 апрель кунлари сайёрага келиб урган табиий офатлар ҳақида умумий маълумот берилган. Иқлим билан нима содир бўлаётганини ўзингиз кўришингиз учун муболағасиз фактлар. Энг муҳими эртага барчамиз билан нималар бўлиши кимга боғлиқ эканини тушунишингиз учун.

Табиий офатлар даҳшатли суръатлар билан ортиб бораётгани ҳаммага аён. Бироқ, шунга қарамай, халқаро даражада қарор қабул қилувчилар томонидан хавотирли бефарқлик кузатиляпди.

Бунинг сабаблари турли хил: содир бўлаётган воқеаларнинг моҳиятини тушунмасликдан тортиб, тайёр ечимлар йўқлиги сабабли аҳоли орасида ваҳима қўзғаш қўрқувигача. Ўзларининг ғаразли манфаатларини кўзлаб, атайлаб ҳеч нарса қилмаётганлар ҳам бор. Бу рўйхатни яна узоқ давом эттириш мумкин.

Аммо асл сабаблари нима бўлишидан қатъий назар, вазиятни силжитишга қодир бўлган асосий омил – бу жамоатчилик талаби. Сиёсий институтлар халқнинг хоҳиш-иродасига қараб иш тутади ва фуқароларнинг якдил талабини эътиборсиз қолдира олмайди.

Бугунги кунда инсоният аллақачон амалга оширилиши ва иқлим шароитига таъсир қилиши мумкин бўлган зарур билим арсеналига, таҳлилий манбаларга ва технологияларга эга. Фақат битта нарса етишмаяпди — амалий ҳаракатларга қатъий ўтиш.

Бу масалада ҳар бир одамнинг шахсий иштироки жуда муҳим аҳамиятга эга.

Ишончли маълумотларни тарқатиш, бошқалар билан муаммоларни муҳокама қилиш, тобора зўрайиб бораётган табиий офатлар мавзусини жаҳон ҳамжамияти учун устувор вазифага айлантиришга интилиш — ушбу оддий, аммо самарали қадамлар мана шу ўта зарур ижтимоий талабни яратиши мумкин. Бу — воқеалар ривожини ўзгартирадиган ҳақиқий куч. Ва у ҳар биримизнинг қўлимизда.