ELMİ İCTİMAİYYƏT

İnsanların iqlimə təsir etdiyinə dair yayılmış yanlış fikir, Yerin bütün sferalarında baş verən dəyişikliklərin əsl səbəblərini öyrənən elm sahələrinin inkişafına mane olur. Odur ki, elmi potensialı birləşdirmək üçün bütün vicdanlı alimlərin, ekspertlərin və ictimai fəal insanların iştirakı, həll yollarının tapılması və qlobal təhlükənin qarşısının alınması üçün həyati əhəmiyyət kəsb edir. Bütün bəşəriyyətin sağ qalması üçün məsuliyyət hər bir fərdin üzərinə düşür.

Yuxarıda göstərilən mövzular üzrə müxtəlif profilli mütəxəssislər, alimlər, tədqiqatçılar, ixtisaslaşdırılmış universitetlərin tələbələri və ya məzunlar iştirak edə bilərlər. Geniş tədqiqat profili müxtəlif məsələləri ehtiva edir və hər bir insanın köməyinə ehtiyac var. İqlim dəyişikliyi və geodinamika planetdəki hər bir insana təsir edən problemdir, ona görə də bu təşəbbüs, profilindən asılı olmayaraq bütün insanlar tərəfindən həyata keçirilir.

Layihə kommersiya xarakterli deyil və pul qazanmaq məqsədi daşımır. Bütün fəaliyyət tam şəkildə dünyanın hər yerindən olan ictimai fəal insanlar və mütəxəssislər tərəfindən öz təşəbbüsləri, öz səyləri və resursları ilə asudə vaxtlarında təşkil olunur və milyardlarla insanın həyatını xilas etməyə yönəlib. Heç bir üzvlük haqqı tələb olunmur.

Milyarlarla insanın sağ qalması üçün iqlim təhlükələrinin qarşısının alınması əsas prioritetdir. Ona görə də keçid mərhələsində və Yaradıcı Cəmiyyətdə elmdə bu prioritet sahələr bütün cəmiyyət tərəfindən qeyri-məhdud maliyyə və dəstək alacaqlar.

İştirakınızın istiqaməti və miqyası yalnız ümumi məqsədə çatmağa töhfə vermək istəyinizdən və bacarığınızdan asılıdır. Bu, iqlim dəyişikliyinin əsl səbəblərini işıqlandırmaqda kömək ola bilər: müsahibələrdə öz fikrinizi bildirmək, canlı yayımlarda və dəyirmi masalarda iştirak etmək, həmkarlarınız və digər mütəxəssislər arasında məlumat yaymaq. Və ya tədqiqat işində iştirak ola bilər: konsultativ yardım, təcrübə və materialların mübadiləsi, məlumatların, ədəbiyyatın təhlilində fəal iştirak, məqalələr yazmaq. Gələcəkdə platforma inkişaf etdikcə və elmi potensial birləşdirildikcə, onun vəzifələr profilinin genişləndirilməsi, texniki və mühəndis həllərinin axtarışı, daha dərin proseslərin və əlaqələrin öyrənilməsi gözlənilir. İstənilən təşəbbüsünüzə və iştirak forması ilə bağlı təklifinizə şad olarıq.

Prioritet sahələrin seçilməsinin məsuliyyəti bütünlüklə ümumi məqsədə çatmağa töhfə vermək qərarına gələn hər bir tədqiqatçı, alim, mütəxəssisin üzərinə düşür. Hansı mövzuda elmi potensialınızı üzə çıxarmaq istədiyinizə ümumi məqsədi dərk edərək yalnız siz qərar verirsiniz.

İştirak vaxtı tamamilə sizin layihəni dərindən araşdırmaq və ona diqqət yetirmək istəyinizdən və bacarığınızdan asılıdır. Heç bir vaxt məhdudiyyəti yoxdur. Bu, sizin başlatdığınız qısa müddətli ünsiyyət və ya sizin üçün əlverişli vaxtda komanda ilə daha müntəzəm qarşılıqlı əlaqə ola bilər.

Məqsəd və vəzifələri iqlim və geodinamikanın dəyişməsi reallıqları, insan fəaliyyəti ilə bağlı olmayan təbii fəlakətlərin artması diktə edir. Yaradıcı Cəmiyyətin Təməllərinə görə, təhlükəsizliyin təmin edilməsi və bütün insanların həyatını xilas etmək üçün məsuliyyət hər bir insanın üzərinə düşür. İnsanın Həyatı ən yüksək dəyərdir.