Пĕтĕм тӗнчери онлайн-конференци «Пултаруллӑ общество. Пӗрле эпир пултаратпӑр»

Кунтан пӗтӗм тӗнче тĕрĕслĕх янӑрать: эпир текех тĕпелсенче пӑшӑлтатмастпӑр, уҫҫӑн калаҫатпӑр. Чӗнмесӗр тӑни текех пулмĕ, эпир нумайăн, ҫавӑнпа та пирӗн пуҫтарӑнмалла та калаҫма пуҫламалла.

Эпир потребитель обществин чăнлăхне куратпӑр тата ку йĕркеллĕ ӗҫлеменнине ӑнланатпӑр. Пирӗн мӗн те пулин улӑштармалла, ҫакна эпир лайӑх ӑнланатпӑр, халӗ вара эпир темӗскер пулас тапхăр умӗнче тӑратпӑр, кăна эпир 6 пин ҫул хушши кĕтнĕ. «Хавхалантаракан халăх пĕрлешĕвĕ» проект вӑл — çут тӗнче халиччен курман сайра йышши хăйне евĕр пулăмсенчен пӗри.

Кам та пулин ыйтрĕ пулсан: «Стив, çак Хавхалантаракан халăх пĕрлешĕвĕ хыçĕнче кам тӑрать?» Никам та тӑмасть. Эпӗ пӗтӗм тӗнчипех ҫынсемпе юнашар тӑратӑп. Эпӗ ҫав ҫынсемпе юнашар тӑратӑп, эпӗ никама та хам хыҫҫӑн ертсе пымастӑп, никам хыҫҫӑн та каймастӑп, эпӗ хамӑн тӑвансемпе юнашар тӑратӑп. Вӗсем манӑн пӗтӗм ҫемье — Хавхалантаракан халăх пĕрлешĕвĕ!

Хавхалантаракан халăх пĕрлешĕвĕ кашни ҫынна хӑйӗн пултарулӑхне туллин кӑтартма пӗр тан право тата иксӗлми майсем парӗ, пирӗн мӗнпур ырлӑха каялла тавӑрса парӗ, пире те, пирӗн ачасене те хӑрушсӑрлӑх тата социаллӑ пакетпа туллин тивӗҫтерӗ. Политика чӑнах та пӗтӗм тӗнчери хутшӑнусемпе пӗрлешӳ инструменчӗ пулса тӑрӗ тата халӑхсем хушшинчи туслӑха ҫирӗплетме пулӑшӗ. Хавхалантаракан халăх пĕрлешĕвĕнче саккунсем вара кашни ҫыннӑн интересӗсене шута илнине гаранти парӗҫ, мӗншӗн тесен вӗсем Хавхалантаракан халăх пĕрлешĕвĕн 8 Никӗсӗ ҫинче никӗсленсе тӑрӗҫ.

Эсир пурӑнакан тӗнчере пур ҫыншӑн та тӳлевсӗр апат, сывлӑх сыхлавӗ, пӗлӳ тата пурнӑҫӑн тивӗҫлӗ пахалӑхӗ пур тĕнче мĕнле пек сире? Этем тӗп тӗллев шутланакан тата ҫынран аслӑраххи нимӗн те ҫук тӗнче мĕнле пек сире ? Пӗр ҫын та тепринчен аял мар, урӑхла каласан, влаҫ, патшалӑх, полици, ҫар, тӗн — пурте ҫын аллинче, ун тăрринче мар. Ҫав вӑхӑтрах ҫынсем пурте пӗртанлӑха хисеплеҫҫӗ.

Потребительсен обществи — хӑравҫӑ общество, вӑл хӳтлӗхсӗрлӗхе йӗркелемелли услови, Хавхалантаракан халăх пĕрлешĕвĕ вара — юратупа пулӑшу условийӗсем, ҫав обществӑра вара пурте пулать. Юрату-и е хӑрани-и эпир мӗн суйласа илӗпӗр? Хӑранине суйланă ҫын нимĕн те тумасть. Юрату суйласан вара — хамӑра, хамӑр ачасене, ҫывӑх ҫынсене, таврари ҫынсене юратма суйласан ҫын вӑй хурать.

Проекта хастарлӑ хутшӑнакансене пула ҫынсем юлашкинчен суйласа илме пултараҫҫӗ: мӗнле обществӑра вӗсем пурăнасшăн — потребитель е пултаруллӑ пулас теҫҫӗ? Мӗншӗн тесен Хавхалантаракан халăх пĕрлешĕвĕ мӗн иккенне пӗлместӗн пулсан, суйласа илме санӑн май та ҫук. Чи интересли вӑл — ҫынсем нумайӑшӗ ҫак общество ҫинчен тахҫанах ӗмӗтленнӗ тата ăна тăвассишĕн вай хума та хатӗр тенӗ.

Эпир хамăр вӑйсене пӗрлештерсен кӗске вӑхӑтрах Хавхалантаракан халăх пĕрлешĕвĕ тума пултарӑпӑр. Кун валли нумай вӑхӑт кирлӗ мар. Паян питӗ нумай ҫын пуҫтарӑннӑ!

Калӑпӑр, пӗр ҫын пилӗк ҫынна ҫав идея ҫинчен, кусем вара — тата пилӗк ҫынна каласа пама пултараççĕ. Ҫапла вара ҫирӗм пиллӗк пулчĕ те. Унтан вара ҫӗр ҫирӗм пилӗк пулать. Геометри прогрессийӗн правилипе усӑ курса шутласан кунсен шутне палăртрăмăр та, 14 кунран кăшт ытлах пулчĕ! Пӗтӗм этемлӗхе Хавхалантаракан халăх пĕрлешĕвĕн идейи ҫинчен каласа пама 14 кун ҫитет!

Эпӗ хамӑн телефон кӗнекине уҫса пăхрам та унта манӑн 800 ытла контакт пулни тӗлӗнтерчӗ. Эпӗ вӗсене пӗр йӗркерен тăракан пӗлтерӳсем ярса пама пуҫларӑм: «Сыннӑн Пурнӑҫӗ — чи хакли. Килӗшетӗн пулсан, кунта ытларах пӗлме пултаран». Ҫапла ҫеҫ. Тепӗр эрнере эпӗ тата тепӗр хыпар ятӑм: «Кашни ҫынна хӑрушсӑрлӑх кирлĕ. эсе çакăнпа килӗшетĕн пулсан, ҫакӑн ҫинчен малалла калаҫма пултаратпӑр». Ҫапла вара, сакӑр эрнере, эпӗ Хавхалантаракан халăх пĕрлешĕвĕн мӗнпур никӗсĕсене, пӗрин хыҫҫӑн теприне, этемлӗхпе тулнă тĕнче тума ярса тӑтӑм. Вӗсенчен нумайӑшӗ хуравланӑ, вӗсенчен нумайӑшӗ пуласлӑхра хуравлӗ. Чи лайӑх тĕнче тӑвас ӗҫе чӑннипех хутшӑнни мана пысӑк телей кӳрет. Эпир этемлӗхпе тулнă тĕнчере Хавхалантаракан халăх пĕрлешĕвĕ тӑвас ӗҫре вӑй хунине пӗрлештерер! Тавтапуҫ!